domingo 28 de abril

GRUPO:
COMPAÑÍA DE TEATRO UNIVERSITARIO DA USC-LUGO GALICIA
ESPECTÁCULO: Deixando a pel
DRAMATURXIA: Andrea González
LUGAR: TEATRO PRINCIPAL
HORA: 19'00
DURACIÓN: 50 minutos
TARIFA: 3€

DEIXANDO A PEL danza entre varios mundos, varias personaxes presas da mesma historia. Xuventude, amor, xénero e frustración serán os protagonistas que tratarán de sobrevivir nunha sociedade deshumanizada.
Non é a sociedade a que está mal? Cal é o límite dunha persoa? Ata onde podemos premer a un ser humano ata que faga o innomeable?
Mocidade, suicidio adolescente, disforia de xénero, frustración e crítica social.

Unha dramaturxia de Andrea González inspirada no personaxe de Sexismundo da obra A vida é soño de Calderón de la Barca; na película ‘Laurence Anyways’ de Xavier Dolan e en múltiples investigacións e relatos anónimos.

DIRECCIÓN: ANDREA GONZÁLEZ GARCÍA
ELENCO: Ana Páez, Aitana López Noyes, Andrea Maseda Prado, Alba Giráldez González, Anna Aycoberry, Camila Besuschio, Mohja Bouferma
TÉCNICO: Zo Vixion

[<]

GRUPO:
TRIFÁSICO TEATRO (ESAD) GALICIA
ESPECTÁCULO: Hámster
AUTOR: Santiago Cortegoso
LUGAR: LICEO
HORA: 20'30
DURACIÓN: 55 minutos
TARIFA: 3€

ELA é a femia. EL é o macho. Habitan un espazo que é seu e á vez que non escolleron, comen o que teñen ao seu alcance, dan voltas procurando a súa propia identidade, actúan para unhas espectadoras que non decidiron ter e que nunca deixan de mirar. Pasan os días en catividade, ela ansía saír ao exterior salvaxe e el fai desta gaiola o seu acomodo seguro.
Vivimos arrexuntadas en grandes edificios con apartamentos idénticos, dando voltas nunha rutina que soñamos con romper, amosando unha imaxe de nós mesmas creada para gustar a quen nos mira.
Podes ser ti mesma nun lugar no que non escolliches estar? Quen somos cando ninguén nos mira? Nesta traxicomedia, as personaxes roen todo o que define a súa existencia dun xeito ácido e dinámico, como os hámsters que son.
Terá saída a súa gaiola?

DIRECCIÓN: NATALIA FEIJOO
ELENCO: Alba Lago e Álvaro Lourido
DESEÑO DE ILUMINACIÓN: Aldara Vázquez
ESPAZO SONORO: Natalia Feijoo
DESEÑO DE MOVEMENTO: Trifásico Teatro
DESEÑO DE VESTIARIO E CARACTERIZACIÓN: Trifásico Teatro
COLABORA: ESAD de Galicia

[<]