![[top]](imaxes/top.png){kind=small}
|
luns 4 GRUPO LEO BASSI PROCEDENCIA EEUU - ITALIA ESPECTÁCULO Utopía AUTOR LEO BASSI LUGAR AUDITORIO HORA 20’30 TARIFA 5€ Coma o Fénix que renace das súas cinzas, a palabra Utopía volveu ao noso léxico político despois de décadas de ostracismo. No curto lapso de tempo duns meses, a caída do modelo económico ultraliberal e o descrédito total do sistema bancario que o apoiaba creou un baleiro ideolóxico que reabre o debate sobre a esencia da nosa sociedade. En UTOPÍA hai un argumento que Bassi foi formando ao longo destes últimos anos: A falta de paixón de todos os partidos da Esquerda institucionalizada, non só en España senón en toda Europa. Algúns pensan que facer un espectáculo cómico falando de utopías e «metendo caña» ao sistema político é un despropósito cando a función da comicidade é fundamentalmente facer rir. Pero hai un público disposto a superar o riso convencional e a explorar todo o seu potencial filosófico como o demostra a aceptación actual da figura do pallaso e particularmente a do BUFÓN como símbolo dunha revolución posible. O que é seguro é que ¡UTOPÍA! sorprenderá pola frescura das súas ideas escénicas e sobre todo, pola súa postura política sen complexos que anticipa con claridade a chegada dun novo HUMANISMO RELATIVISTA, mal que lle pese á caverna conservadora. ELENCO: Leo Bassi [<]
|
|
